29 – öktebir jumhuriyet bayrimi

türkiye awazi radiyosi xewiri: bügün türkiye jumhuriyiti qurulghanliqining 93 – yilini tebriklimektimiz. 1923 – yili 29 – öktebirde türkiye jumhuriyiti qurulghanliqi shatliqqa chömgen halda top étip, pütün dunyagha élan qilinghan idi.

derweqe, osmanli iépiriyesining 1 – dunya urushida meghlup bolushi, dölet zéminining ghalip döletler teripidin talan - taraj qilinishi memliketke éghir qayghu yaratti. «quwai milliye» yeni, «milliy küchler» dégen nam bilen teshkilatlanghan we mustapa kamal atatürkning rehberlikide birlikke kelgen milliy qisimlar azadliq urushini bashlidi. «turk nopusi zich bolghan rayonlar türkiye tirrétoriyesi bolup qélishi lazim» dégen pikir asasida bashlanghan küreshler netijiside, 1922 – yili 30 - awghustta bash qomandanliq ishtabi dala urushida zor utuqqa ériship, ishghaliyetchi küchlerning hemmini bügünki türkiye tirrétoriyesidin qoghlap chiqardi. tinchliq muzakiriliri arqiliq ishghaliyet astidiki istanbulni qotquzghandin kéyin, lozan kélishimi bilen osmanli impériyesi tarix sehnisidin chiqirip tashlandi. oning ornini yéngi türkiye jumhuriyiti aldi. 1923 – yili 29 – öktebirgiche dawamlashqan muzakirilerdin kéyin türkiye jumhuriyiti we paytextining enqere bolghanliqi resmiy élan qilindi. jumhuriyitimizning qurulushini tebriklewatqan bu xoshallinarliq künde, mustapa kamal atatürk qatarliq milliy mujadilimizning barliq qehrimanlirini hörmet bilen esleymiz we ulargha rehmet tileymiz.