jerablusta kündilik hayat
süriyening jerablus rayonining türkiye armiyesining yardimi astida térrorluq teshkilati daéshtin azad qilinghandin kéyin xelq öylirige qaytishqa bashlidi.
türkiye awazi radiyosi xewiri: rayon ahalisi daéshtin qutulghanliqidin intayin xursen boluwatqan bir peytte, térrorluq teshkilati daésh meniy qilghan téléfon, téléwizor, süniy hemrah téléwiziye anténnisi qatarliq téxnologiyelik mehsulatlar qaytidin istémal qilinishshqa bashlidi.
herbiy küchler bolsa jerablus we chégra etrapida daésh kömüp qoyghan minalarni kontrolluq halette partlatmaqta. partlashlar we arqidin yuqiri örligen is – tütekler türkiye tereptinmu körülmekte.
chégraning türkiye teripide bolsa süriyediki ichki urushtin qéchip bu yerge kelgen süriyelikler rayongha qaytishqa bashlidi.
texminen 3 yil burun türkiyege kelgen süriyelikler öz yurtigha qaytish üchün 47 giradustin éship ketken issiqliqqa qarimay qarqamish tamozhna éghizigha seldek aqmaqta hemde aridin birqanche yil ötkendin kéyin öz wetinige qaytish imkaniyitige érishkenlikliri üchün özlirini tolimu bextlik hés qilmaqta.
tünügün kéchidin étibaren ghaziantep we diyarbaqirdin ewetilgen tankilar bilen bironéwiklarmu qarqamishning chégra liniyesidiki soylu mehellisi etrapigha orunlashturuldi.
tankilar bilen bironéwiklar etigen tereplerde rayondin chiqirilip, chégrigha yollandi.
