türk döletliri ara soda éshishqa yüzlendi

türkiye awazi radiyosi xewiri: türkiye jumhuriyiti soda ministiri ömer bolat yéqinqi yillardin buyan türk döletliri teshkilati ezaliri arisidiki sodida zor éshish bolghanliqini bayan qilip: «eza döletler otturisidiki soda 2022-yilidiki 33 milyard dollardin 2023-yili 42 milyard dollargha yetti» dédi.

ministir bolat istanbulda ötküzülgen türk döletliri riqabet kéngishining 1-qétimliq yighinida qilghan sözide: «eza döletler otturisidiki soda 2022-yili 33 milyard dollar bolup, 2023-yili 42 milyard dollargha yetti. bu eza döletlirimizning dunyagha qilghan omumiy éksportining azla bir qismini teshkil qilidu» dédi.

bolat türk döletliri teshkilati riqabet organliri kéngishining resmiy qurulghanliqini tilgha élip, bu kéngeshning iqtisadiy munasiwet, soda munasiwiti, ishlepchiqirish we dunyadiki tereqqiyatlarni közitish qatarliq jehetlerde uchur we tejribe almashturush nuqtisidin intayin muhim wezipilerni öteydighanliqini bildürdi.

u sözini dawamlashturup: «tereqqiy qiliwatqan döletlerde riqabet medeniyiti we tonushining omumliship, tüzümlishishke yüzlengenlikini nezerde tutqinimizda, bizning riqabet orginimiz muhim paaliyetlerni élip barmaqta. bizmu soda ministirliqi bolush süpitimiz bilen, bu özgirishlerni iptixarlinish ichide közitip qollimaqtimiz» dégenlerni qeyt qildi.