putin: rusiye dunyaning beshinchi, yawropaning eng chong iqtisadiy küchi

türkiye awazi radiyosi xewiri: wiladimir putin rusiyening xabarowiski shehiride échilghan bir yighingha ishtirak qilip söz qildi. u rusiye merkizi bankisining ösüm nisbitini waqitning ötüshige egiship töwenlitidighanliqigha ishinidighanliqini tilgha élip, «körünüshke qarighanda, ular rusiyeni her tereptin boghushqa tirishiwatidu, biz bésim astida turuwatimiz. shundaq bolushigha qarimay, biz yawropadiki eng chong iqtisadiy küch. biz gérmaniyeni arqida qaldurup, dunyada beshinchi orungha öttuq؛ xitay, amérika, hindistan, yaponiye we rusiye. biz yawropada birinchi» dédi.

putin sétiwélish küchi jehette rusiyening pütkül yawropani arqida qaldurghanliqini bayan qilip, rusiyening kishi béshigha toghra kélidighan milliy kirim jehette téximu köp ishlishi kéreklikini we qilishqa tégishlik ishlarning barliqini otturigha qoydi.