qazaqistan gérmaniyege éksport qilidighan néfit miqdarini ashuridu

türkiye awazi radiyosi xewiri: qazaqistan döletlik néfit we tebiiy gaz shirkiti (KazMunayGaz) bayanat élan qilip, shirket reisi magzum mirzagaliyéwning gérmaniyede ziyarette bolghanliqini uqturdi.

bayanatta körsitilishiche, mirzagaliyéw gérmaniyediki bir yighinda söz qilip, gérmaniye pirézidénti firank waltér stéynméyérning 6-aydiki qazaqistan ziyariti jeryanida, ikki dölet otturisidiki xam néfit bilen teminlesh toxtamini imzalanghanliqini eslep ötken we sözini dawamlashturup: «biz 2023- yili gérmaniyege yetküzidighan néfitning omumiy miqdarini kem dégende 890 ming tonnigha yetküzüshni pilanlawatimiz» dégen.

mirzagaliyéw yene, bu yilning aldinqi 7 éyida qazaqistanning drujba néfit turuba yoli arqiliq gérmaniyege 390 ming tonna néfit éksport qilghanliqini bildürgen.

söhbetler jeryanida, gérmaniye terep qazaqistandin alidighan néfitning miqdarini ashurush iradisini tekitlep ötken.