türkiye noyabir éyida ékisportta nahayiti zor muweppeqiyetlerni qolgha keltürdi

türkiye awazi radiyosi xewiri: türkiye istatistika orgini bilen soda ministirliqi, türkiyening noyabir éyigha (2022) munasiwetlik waqitliq tashqi soda sanliq melumatlirini élan qildi.

buninggha asaslanghanda, omumiy soda sistémisi dairisidiki éksport, noyabirda aldinqi yilining oxshash mezgilige sélishturghanda% 2.1 éship, 21 milyard 900 milyon dollargha yetken.

éksport, 1-aydin 11-ayghiche bolghan mezgilde, aldinqi yilning oxshash mezgilige sélishturghanda% 13.9 éship, 231 milyard 295 milyon dollargha yetken.

noyabir éyidiki éksportta, gérmaniye 1 milyard 859 milyon dollar bilen 1 - retke, amérika 1 milyard 447 milyon dollar bilen 2 – retke, iraq 1 milyard 302 milyon dollar bilen  3 - retke, rusiye 1 milyard 156 milyon dollar bilen 4 - retke, italiye 1 milyard 78 milyon dollar bilen 5 – retke tizilghan. noyabirda aldinqi 5 döletke qilinghan éksport, omumiy éksportning% 31.2 ni igiligen.

1-aydin 11-ayghiche bolghan mezgilde,  éksportta gérmaniye birinchi orunda turghan. bu döletke 19 milyard 339 milyon dollarliq mehsulat éksport qilinghan. gérmaniyedin qalsa, amérika qoshma ishtatlirigha 15 milyard 502 milyon dollarliq, iraqqa 12 milyard 602 milyon dollarliq, engiliyege 11 milyard 946 milyon dollarliq, italiyege 11 milyard 306 milyon dollarliq mehsulat  éksport qilinghan. bu mezgilde, aldinqi 5 döletke qilinghan éksport, omumiy éksportning% 30.6 ni igiligen.