wéngiriye yawropa ittipaqining kéler yilliq ukrainagha iqtisadiy yardem bérish pilanini ret qildi
yawropa ittipaqi döletlirining kéler yili ukrainagha 18 milyard yawro iqtisadiy yardem bérish pilani wéngiriyening ret qilishigha uchridi.
türkiye awazi radiyosi xewiri: yawropa ittipaqining nöwetchi reislik wezipisini ötewatqan chéxiyening maliye ministiri zibinék stanjura, yawropa ittipaqigha eza 27 döletning maliye ministirlirining bélgiyening paytexti biryussélda chaqirghan yighinidin kéyin bayanat bérip, kéler yili ukrainagha 18 milyard yawro iqtisadiy yardem bérishni mezmun qilghan pilanning testiqlanmighanliqini uqturdi.
yawropa ittipaqi döletlirining birdek maqullishini shert qilidighan yardem pilanining qobul qilinmighanliqigha isharet qilghan stanjura, wéngiriyening ret qilish hoquqidin halqip, qalghan 26 eza dölet qollaydighan bir yardem pilani teyyarlashqa tutush qilghanliqlirini eskertti.
yawropa ittipaqining bir gewde halitide ukrainagha iqtisadiy jehettin yardem bérish we buning üchün ortaq qerz élish qararigha qarshi chiqqan wéngiriye, her bir eza döletning ukrainagha özining imkaniyitige qarap yardem bérishi kéreklikini otturigha qoymaqta.
مۇناسىۋەتلىك خەۋەرلەر
türkiyening sanaet mehsulatlirini ishlepchiqirish körsetküchi ashti
türkiyening sanaet mehsulatlirini ishlepchiqirish körsetküchi yilliq nisbette % 4.3 ashti.
