türkiye awghust éyida rusiyege eng köp mal éksport qildi

türkiye awazi radiyosi xewiri: türkiye 24-féwraldin bashlap dawamlishiwatqan rusiye-ukraina urushi sewebidin yer shari teminlesh zenjiride körülgen qalaymiqanchiliq we herqaysi döletlerning rusiye bilen bolghan soda munasiwetlirining passip tesirige qarimay, yolgha qoyghan tengpungluq istratégiyesi we ünümlük tashqi siyaset netijiside, bu dölet bilen bolghan sodisini ünümlük dawamlashturmaqta.

türkiye éksportchilar mejlisining sanliq melumatliridin élinghan uchurlargha qarighanda, awghustta türkiyening rusiyege qilghan éksporti tarixtiki eng yuqiri ayliq reqemge yetken bolup, awghustta 738 milyon 527 ming dollar bolghan.

bu mezgilde türkiyening rusiyege qilghan ékisporti aldinqi yilning (2021) oxshash mezgilidikige sélishturghanda %87.2 ashti. rusiyening türkiye éksportidiki ülüshi %3.5 boldi.shundaq qilip, rusiye awghustta türkiye eng köp mal éksport qilghan altinchi döletke aylandi.

türkiye eng köp mal éksport qilghan besh döletning ichide, gérmaniye 1 milyard 504 milyon dollar bilen birinchi, amérika 1 milyard 308 milyon dollar bilen ikkinchi, engliye 1 milyard 40 milyon dollar bilen üchinchi, iraq 934 milyon 807 ming dollar bilen tötinchi, italiye 819 milyon 286 ming dollar bilen beshinchi orunda turdi.türkiyening rusiyege qilghan éksportida, ximiyelik maddilar we mehsulatlar eng köp aldinqi orunni turdi.