8 dölet sélinma munbiri yighini istanbulda chaqirilidu
tereqqiy qiliwatqan sekkiz dölet (D-8) iqtisadiy hemkarliq teshkilati qurulghanliqining 25 yilliqi munasiwiti bilen ete istanbulda «D-8 meblegh sélish munbiri» yighini échilidu.
türkiye awazi radiyosi xewiri: türkiye, béngal, hindonéziye, iran, malayshiya, misir, nigériye we pakistandin terkib tapqan tereqqiy qiliwatqan sekkiz dölet (D-8) iqtisadiy hemkarliq teshkilati qurulghanliqining 25 yilliqi munasiwiti bilen ete istanbulda «D-8 meblegh sélish munbiri» yighini échilidu.
türkiye soda uyushmiliri we pay chéki bazarliri birleshmisi bayanat élan qilip, tereqqiy qiliwatqan sekkiz dölet meblegh sélish munbirining D-8 katibat bashqarmisi bilen we türkiye soda uyushmiliri we pay chéki bazarliri birleshmisining hemkarlishishi arqisida ete etigen saet 11:00 de bashlinidighanliqini uqturdi.
bayanatta körsitilishiche, yighinning échilish nutuqini soda ministiri mehmet mush we türkiye soda uyushmiliri we pay chéki bazarliri birleshmisi reisi rifat hisarjiklioghlu bilen nigériye tashqi ishlar ministiri zubeyru dada, pakistan fédératip meblegh sélish ishliri ministiri chawdri salik hüseyinwe D-8 bash katipi ishaq abdulqadir imam sözleydiken.
yighingha D-8 gha eza döletlerning meblegh sélish apparatliri we mezkur döletlerning soda-sanaetchiler birleshmilirining wekilliri qatnishidiken.
مۇناسىۋەتلىك خەۋەرلەر
