türkiye – qazaqistan otturisidiki soda omumiy sommisi barghanséri ashmaqta
qazaqistan türkiye bilen bolghan soda omumiy sommisining bu yilning aldinqi charikide 1.5 milyard dollargha yetkenlikini bildürdi.
türkiye awazi radiyosi xewiri: qazaqistan maliye ministirliqi dölet kirim komitétining bayanatigha qarighanda, bu yil 1-aydin 3-ayghiche bolghan ariliqta, qazaqistanning tashqi sodisi eng köp bolghan döletler arisida türkiye üchinchi orunda turghan.
bu mezgilde, ikki dölet otturisidiki soda miqdari 1.5 milyard dollargha yéqinlashqan. qazaqistanning türkiyege qilghan éksporti 1 milyard 252 milyon dollargha, türkiyedin import qilinghan mehsulat 236 milyon 300 ming dollargha yetken.
qazaqistanning türkiyege qilghan omumiy éksportining% 70.7 ni (885 milyon dollar) yéqilghu we énérgiye mehsulatliri teshkil qilghan. métal we métal mehsulatliri% 25.9 (324 milyon dollar) bilen ikkinchi orunda turghan.
oxshash mezgilde, türkiyedin qazaqistangha 26.2 pirsent (62 milyon dollar) bilen eng köp mashina, sayman we üsküne mehsulatliri import qilinghan. toqumichiliq we toqumichiliq mehsulatliri% 20 (47 milyon 500 ming dollar) bilen ikkinchi orunda turghan.
qazaqistan bilen türkiye otturisidiki bulturqi soda miqdarining, oxshash mezgilde 803 milyon 100 ming dollar ikenliki bildürülgenidi. buning 545 milyon 200 ming dollarliq qismini, qazaqistanning türkiyege qilghan éksporti, 257 milyon 800 ming dollarliq qismini türkiyedin qilghan importi, teshkil qilidighanliqi qeyt qilinghanidi.
مۇناسىۋەتلىك خەۋەرلەر
moskwa xitayning énérgiye sahesige meblegh sélishini ümid qilidu
seyshenbe küni (23-iyul) 6-qétimliq rusiye-xitay énérgiye soda-sanaetchiler yighini échildi.
