istanbulgha martta 1 milyon 156 ming 400 chetellik sayahetchi keldi

türkiye awazi radiyosi xewiri: istanbulgha martta kelgen chetellik sayahetchilerning sani aldinqi yilining oxshash mezgilige sélishturghanda %112 éship, 1 milyon 156 ming 400 ge yetti.

istanbul wilayetlik medeniyet we sayahet bashqarmisining sanliq melumatlirigha asaslanghanda, istanbulni bu yilning aldinqi üch éyida 2 milyon 904 ming 460 chetellik sayahetchi ziyaret qilghan.

ötken yili martta 545 ming 608 chetellik sayahetchini kütüwalghan istanbul bu yilning mart éyida %112 lik éshish bilen 1 milyon 156 ming 400 sayahetchini kütüwalghan.

sayahetchilerdin 1 milyon 153 ming 138 i awiatsiye arqiliq sheherge kelgen, 3 ming 262 kishi déngiz arqiliq sheherni ziyaret qilghan. sheherge awiatsiye arqiliq kelgenlerning sani aldinqi yilgha sélishturghanda %113 ashqan, déngiz arqiliq kelgenlerning sani %12 ashqan.

istanbulgha kelgen chetellikler ichide martta iranliqlar 116 ming 626 kishi bilen birinchi orungha ötken.

iranliqlardin  qalsila ret boyiche gérmaniyelikler 92 ming 194 kishi bilen ikkinchi, rusiyelikler 90 ming 394 kishi bilen üchünchi, ingliyelikler 42 ming 355  kishi bilen tötinchi, israiliyelikler 40 ming 120 kishi bilen beshinchi, firansuzlar 40 ming 119 kishi bilen altinchi, amérikiliqlar 36 ming 801 kishi bilen yettinchi, iraqliqlar 29 ming 49 kishi bilen sekkizinchi, gollandiyelikler 28 ming 28  kishi bilen toqquzinchi, kuweytlikler 27 ming 23 kishi bilen 10 - bolghan.

xitay sayahetchiler tizimlikning axiridinmu orun alalmighan.

istanbulgha martta 192 dölettin sayahetchiler kelgen.