42 döletke hesel éksport qilindi

türkiye awazi radiyosi xewiri: sherqiy aqdéngiz éksportchilar birleshmisining melumatlirigha asaslanghanda, türkiyedin 2022-yili yanwar éyidin mart éyighiche bolghan mezgilde 42 döletke 4 ming 421 tonna hesel sétilghan bolup, buningdin 11 milyon 302 ming 715 dollar kirim qilinghan.

türkiyening bu yilning deslepki charikidiki hesel éksporti, 1 ming 686 tonnigha yétip 6 milyon 327 ming 811 dollar kirim qilinghan 2021-yilning oxshash mezgilige sélishturulghanda, miqdarda %162, qimmette %79 ashqan.

hesel éksportida, amérika 3 milyon 154 ming 930 dollar bilen birinchi orunda, gérmaniye 1 milyon 792 ming 468 dollar bilen ikkinchi orunda, ispaniye 1 milyon 751 ming 938 dollar bilen üchinchi orunda, isirailiye 1 milyon 351 ming 171 dollar bilen tötinchi we polsha 379 ming 205 dollar bilen beshinchi orunda turghan.

türkiye bu mezgilde ötken yilning oxshash mezgilide hesel éksport qilinghan döletlerdin bashqa, isirailiye, polsha, kanada, silowéniye, silowakiye, bosniye-gértségowina, kosowu, kanada, yemen, iraq, shiwéytsariye, mawritaniye, bangladish qatarliq döletlerge hesel éksport qilghan.