mongghuliye-türkiye arisida ayropilan seperliri bashlandi

türkiye awazi radiyosi xewiri: mongghuliye hawa yolliri shirkitining «300-767 boyin» tipliq ayropilan bilen qilghan tunji seperde, 250 yoluchi istanbulgha keldi. yoluchilar bilen ayropilan xadimliri ayropilan ishiki aldida gül-chéchekler bilen qarshi élindi.

istanbul xelqara ayrodurumida ötküzülgen murasimda, yoluchilargha mongghuliyening eneniwi yémeklikliridin biri bolghan qurt ikram qilindi.

mongghuliyening istanbul turushluq konsuli xishigsuren sharaw türkiye hawa yolliri shirkitining ulanbatur bilen istanbul otturisida emelge ashurghan ayropilan sepirige mas halda mongghuliye hawa yolliri shirkiti ayropilanining heptide bir qétim uchidighanliqini éytti.

u: «iyun éyidin (2022) tartip ayropilan seperlirini ikkige chiqirishni pilanlawatimiz. ikki dölet otturisidiki ayropilan seperliri köpeygenséri soda we sayahetchilikmu janlinidu» dédi.

mongghuliye hawa yolliri shirkiti seperlirining bashlinishi bilen istanbul ayrodurumidin yoluchi toshuydighan hawa yolliri shirkitining sani 64 ke chiqqan boldi. 15 pochta ayropilan shirkitini qoshqanda, bu san 79 boldi.