türkiye italiyege bolghan éksportini yéngilidi
türkiye noyabir éyda (2021) italiyege ayliq éksport rékortini 1 milyard 39 milyon dollargha yetküzdi.
türkiye awazi radiyosi xewiri: türkye éksportchilar mejlisining melumatlirigha asaslanghanda, türkiyening éksporti noyabir éyida 2020-yilning oxshash mezgilidikige sélishturulghanda %33.4 éship 21 milyard 468.5 milyon dollargha yetken. öktebir (2021) éyida italiyege bolghan 1 milyard 26.1 milyon dollarliq ayliq éksporti, noyabir éyida 1 milyard 39.2 milyon dollargha yetküzgen bolup, ötken yil (2020) ning oxshash mezgilidikige sélishturulghanda %40.6 ashqan.
buning bilen, italiye noyabir éyida türkiye eng köp mal éksport qilghan tötinchi dölet bolup qalghan.
türkiye noyabir éyida eng köp mal éksport qilghan birinchi dölet gérmaniye bolup, éksport sommisi 1 milyard 618.5 milyon dollargha yetken. ikkinchi dölet engliye bolup, éksport sommisi 1 milyard 436.8 milyon dollargha yetken. üchinchi dölet amérika bolup, éksport sommisi 1 milyard 192.6 milyon dollargha yetken.
noyabir éyida italiyege eng köp aptomobil sanaet mehsulatliri éksport qilindi we bu sahening éksport sommisi 181.4 milyon dollargha yetken.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.