erdoghan türkiyening éskporti toghrisida toxtaldi
jumhur reis rejep tayyip erdoghan éksportning yilliq omumiy miqdarining 221 milyard dollargha yetkenlikini eskertti.
1742361
türkiye awazi radiyosi xewiri: jumhur reis rejep tayyip erdoghan éksportning yilliq omumiy miqdarining 221 milyard dollargha yetkenlikini eskertip: «téximu köp tirishchanliq körsitip, téximu köp ishlepchiqirip, téximu köp (iqtisadiy) éshishni qolgha keltürimiz» dédi.
uchurida tünügün élan qilinghan tashqi soda éksportigha munasiwetlik sanliq melumatlargha asaslanghanda, türkiyening noyabir éyi éksportining bulturqining oxshash mezgilige sélishturghanda %33.44 éship 21 milyard 500 milyon dollargha yetkenlikini bildürgen erdoghan: «yilliq éksport miqdarimiz 221 milyard dollargha yetti. téximu köp tirishchanliq körsitip, téximu köp ishlepchiqirip, téximu köp (iqtisadiy) éshishni qolgha keltürimiz» dégenlerni qeyt qildi.
erdoghan uchurida yene, tashqi soda sanliq melumatlirigha munasiwetlik bir körsetküchkimu orun berdi.
körsetküchke asaslanghanda, türkiye noyabir éyida %33.44 lik éshish bilen eng yuqiri ayliq éksport nisbitini qolgha keltürgen. bultur 16 milyard 89 milyon dollar bolghan noyabir éyi éksporti, bu yil 21 milyard 468 milyon dollargha yetken. bu yilning aldinqi 11 éyidiki éksport miqdari bulturqi 151 milyard 801 milyon dollardin 203 milyard 141 milyon dollargha yetken.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.