türkiyening anar éksport sodisi rékort yaratti

türkiye awazi radiyosi xewiri: ege éksportchilar birleshmisining bayanatigha asaslanghanda, anar ékisport sodisida aldinqi yili bir ilgiriki yilgha séléshturghanda %29 éship,  126 milyon 54 ming dollar liqtashqi péréwot kirimi bilen rékort yaritilghan.

anar éksport miqdari nuqtisidin, 2019-yildikige sélishturghanda % 23 éship, 155 ming 714 tonnidin 192 ming 6 tonnigha örligen.

tükiyening anar éksportida, rusiye fédératsiyesi ötken yillardikige oxshashla aldinqi orunda turghan bolup, 44 milyon 500 ming dollarliq anar sétiwilish bilen 2020-yilimu aldinqi birinchilikni qoldin bermigen.

gérmaniye 15 milyon 200 ming dollarliq anar sétiwilish bilen ikkinchi orungha ötken.

türkiyening yéngi méwe-chéwe sahesining eneniwi éksport bazarliridin birsi bolghan iraqqimu 2020-yili 12 milyon 800 ming dollarliq anar éksport qilinghan.

ukraina, engliye, portugaliye, brunéy, pil chishi qirghiqi, jibuti, nigériye, togo we mawritaniye 2020-yili türkiyedin anar éksport qilinghan döletler sipige qoshulghan.