yawropa merkiziy bankisi yawro rayoni heqqide agahlandurdi
yawropa merkiziy bankisining bashliqi kiristin lagardé yawro rayoni iqtisadining eslige kélishining kéchikish éhtimalliqining barliqini, shunga iqtisadning eslige kélish jeryanining «rélistin chiqip kétishi» ge yol qoymasliq kéreklikini éytti.
türkiye awazi radiyosi xewiri: dunya iqtisad munbirining «2021 – yilliq dawos küntertipi» yighinliri dairiside tor muhiti astida «iqtisadiy tereqqiyatni qayta janlandurush» témiliq söhbet yighini ötküzüldi.
yawropa merkiziy bankisining bashliqi kiristin lagardé, söhbet yighinida sözligen nutiqida, 2020-yilining tötinchi pesilde yawro rayonining iqtisadiy sahesining dairisining tariyip ketkenlikini eskertish bilen bir waqitta, «kowid – 19» yuqumi mezgilide meblegh yürüshtürüsh sharaitining shirketler we aililerge mas kélishi kéreklikini tekitlep, mundaq dédi: «yuqumdin kéyin iqtisadiy ehwal bashqiche bolidu.»
gerche «kowid – 19» yuqumining yéngi türliri endishe peyda qiliwatqan we bu dairide qattiq tedbirler qolliniliwatqan bolsimu, lékin, 2021 – yilining «iqtisadning eslige kélish yili» bolushini ümid qilidighanliqini éytqan lagardé, yawro rayonining iqtisadiy heqqide toxtilip mundaq dédi: «yawro rayoni iqtisadining eslige kélishi kéchikishi mumkin, shunga iqtisadning eslige kélish jeryanining <rélistin chiqip kétishi> ge yol qoymasliq kérek.»
مۇناسىۋەتلىك خەۋەرلەر
türkiyening sanaet mehsulatlirini ishlepchiqirish körsetküchi ashti
türkiyening sanaet mehsulatlirini ishlepchiqirish körsetküchi yilliq nisbette % 4.3 ashti.