xitaygha qarap yolgha chiqqan éksport poyizi enqeredin ötti

türkiye awazi radiyosi xewiri: tömür yipek yoli dep atalghan, asiya-yawropa qiteliri otturisida qisqa, bixeter, erzan we qollinishchan tömür yoli karidori bolghan tömür yipek yoli ottura karidori, türkiyedin xitaygha tunji éksport poyizini yetküzüshke teyyarlandi.

türkiye chégrasi ichide 2 ming 323 kilométirliq yolni 8-dékabir (2020) kechte axirlashturup, karsqa yétip baridighan poyiz, baku-tiblis-kars tömür yoli linyesi arqiliq xitaygha qarap yolini dawamlashturidu. éksport poyizi türkiyedin kéyin, giruziye-ezerbeyjan-hazar déngiz ötingi-qazaqistanni bésip ötüp, xitayning shien shehiride toxtaydu. uzunluqi 754 métir bolghan poyiz, 42 wagondiki mallar bilen yolini dawamlashturidu.

poyizda türkiyede ishlepchiqirilghan1 ming 400 sowutquchi bar bolup, xitaygha texminen 12 künde yétip bérishi kütülmekte.