putin: «wuxen wirusi» sewebidin 10 milyon adem yoqsulluq xewipige duch kelmekte

türkiye awazi radiyosi xewiri: putin, widéo konférans wasitisi arqiliq qatnashqan asiya - tinch okyan rayoni iqtisadiy hemkarliq teshkilati bashliqlar yighinida, «wuxen wirusi» yuqumi we yer shari xaraktérlik iqtisadiy weziyet heqqide qilghan sözide, yer shari xaraktérlik iqtisadning yéqinqi 6 ay ichide texminen % 15 keynige chékinip ketkenlikini tekitlep mundaq dédi: «tijaret sahesidiki muhim oyunchilar otturisidiki iqtisadiy perqmu barghanséri zoraymaqta. <wuxen wirusi> sewebidin yer shari xaraktérlik iqtisadning bu yil otturiche % 4.4 keynige chékinip kétishi kütülmekte. <wuxen wirusi> sewebidin ishlepchiqirishning töwenlep kétishi we yoqsulluqning köpiyip kétishi ademni qattiq endishege salidu. nöwette  4 milyon adem yoqsulluq xewipige duch kelmekte. bundaq qiyin shert – sharaitlarda, emeliyetke masliship ish körüsh aqilanilik, dep qaraymen. xelqara jamaetchilik, mewjut qiyin ötkeldin hemkarliqni kücheytish arqiliq ötelishi mumkin.»