amérikadiki kowid-19 yuqumi, amérikiliq milyardérlarning ishigha yaridi

türkiye awazi radiyosi xewiri: «xuffington post» xewerler tor béti retlep chiqqan uchurlargha asaslanghanda, yéqinqi 6 ay ichide dangliq amérikiliq milyardérlarning mal-mülükni ikki hesse ashurghanliqi ashkarilanghan.

xewerde «kowid -19 din amérikiliq milyardérlargha oxshash héchkishi payda alalmidi» déyildi we bayliqini hessilep ashurghan dangliq milyardérlar misal körsitildi.

amazon shirkitining qurghuchisi we bashqurghuchisi jéf bézosning bu yilning béshida eslidiki  113 milyard dollar bolghan bayliqini yuqum mezgilide 73 milyard dollar ashurghanliqi bildürüldi.

téslaning yuqiri derijilik dériktori élon maskning bu jeryanda 25 milyard dollarliq bayliqini 92 milyard dollargha yetküzgenliki, nyu-yorkning sabiq sheher bashliqi sodiger michel bilumbérg we koch sanaet shirkitining xojayini charléz kochningmu texminen 7 milyard dollar béyighanliqi qeyt qilindi.

féysbukning qurghuchi we xojayini mark zukérbérgningmu bu yil kirgendin buyan bayliqigha 54 milyard dollar qoshulghanliqi bildürüldi.

xewerlerde, wirus yüzisidin kishilerning öyidin chiqalmas bolup qilishi sewebidin amazon, féysbuk, gugul, tésla we mikrosoft qatarliq shirketlerning payda nisbitini biwasite östürgenliki, nurghunlighan milyardérlarningmu yuqum mezgilide iqtisad töwenlewatqanliqigha qarimay, pay baziridiki éshishlardin nep alghanliqi tekitlendi.

yuqum jeryanida kirim teqsimatidiki barawersizlik kücheygenliki ilgiri sürülüp, buningda baj qanunidiki özgirishler we milyardérlarning %80 ke yéqinining 1980 - yilliridin bashlap, baj tapshurush nisbitining töwen bolishining muhim amil ikenliki bildürüldi.