gérmaniye türkiyege qaratqan sayahet cheklimisini qismen emeldin qaldurdi
gérmaniye wuxen wirusi (kowid – 19) yüzisidin türkiyege qarita chiqarghan sayahet cheklimisi tizimlikidin aydin, antalya, izmir we mughla qatarliq sheherlerni chiqiriwetti.
türkiye awazi radiyosi xewiri: gérmaniye tashqi ishlar ministirliqining intérnét sehipisige chiqirilghan bayanatta, aydin, mughla, izmir we antalya üchün sayahet cheklimisining emeldin qaldurulghanliqi qeyt qilindi.
bayanatta, sayahetchilerning türkiyedin gérmaniyege qaytip 48 saet ichide choqum salametlik tekshürüshidin ötüshining shert ikenliki xatirilitip ötüldi.
gérmaniye, kowid – 19 sewebidin 31 – awghustqiche yawropa ittipaqi we shengen rayoni (yawropa ittipaqigha eza döletler arisidiki erkin sayahet qilish kélishimige terep bolghan döletler) sirtidiki 160 üchün sayahet cheklimisi chiqarghanidi.
bu jeryanda türkiye jumhuriyiti medeniyet we sayahet ministiri mehmet nuri ersoy tiwittér arqiliq bayanat bérip, «türkiye bolush süpitimiz bilen <salamet sayahet qilish pilani> dairiside gérman méhmanlirimizni kütüwélishqa teyyarmiz» dégenlerni qeyt qildi.
مۇناسىۋەتلىك خەۋەرلەر
türkiyening sanaet mehsulatlirini ishlepchiqirish körsetküchi ashti
türkiyening sanaet mehsulatlirini ishlepchiqirish körsetküchi yilliq nisbette % 4.3 ashti.
