antalya heshemetlik seyle kémisi ishlepchiqirishta nahayiti zor muweppeqiyetlerni qolgha keltürmekte

türkiye awazi radiyosi xewiri: antalya erkin soda rayoni soda we meblegh sélish hessidarliq shirkitining bash dériktori zeki gürses, rayonda 56 si yerlik sermayilik bolup, jemiy 83 shirketning paaliyet élip bériwatqanliqini, bulardin 45 ining seyle kémisi ishlepchiqirish sahesidin orun alidighanliqini eskertish bilen bir waqitta, rayonda 2000 – yillarda bashlanghan seyle kémisi ishlepchiqirish xizmitining, bügünki künde antalya rayonini «dangliq marka» gha aylandurghanliqini tekitlep mundaq dédi: «2019 – yilning axirlirighiche 442 dane seyle kémisi ishlepchiqirilghanidi, bu yil iyun éyining axirlirighiche yene 18 dane ishlepchiqirildi. shuning bilen, ishlepchiqirilghan seyle kémisining sani 460 qa yetti. seyle kémilirining uzunluqimu muhim bolup, 460 seyle kémisining uzunluqi 640 métirghiche yétidu؛ bu jiddiy bir reqem bolup, bu kémilerning omumiy sétish qimmiti 1.2 milyard dollargha yetti.»

u, bu yilning axrlirighiche 35 seyle kémisining sahibigha tapshurup bérilishining nishan qiliniwatqanliqini, bu yil «wuxen wirusi» gha qarimay seyle kémisi zakaz qilish ishlirida éshish körülgenlikini tekitlep mundaq dédi: «rayondiki shirketler, italiyedin engliyegiche, amérika qoshma ishtatliridin rusiye, gollandiye we ereb birleshme xelipilikigiche nurghunlighan döletlerdin zakaz qobul qildi. dunya boyiche seyle kémisi ishlepchiqirishta italiye bilen gollandiye aldinqi qatarda turidu, türkiye bolsa üchinchi orunda turidu. rayonimizdin seyle kémisi ishlepchiqirishta dunyada söz sahibi bolghan  italiye bilen gollandiyegimu seyle kémisi sétiwatimiz. bu adettin tashqiri iptixarlinish menbesidur.»

u yene, qatar we ummanni öz ichige alghan birqanche döletkimu sahil bixeterlik qoghdighuchi kémisi éksport qilinghanliqinimu sözlirige ilawe qildi.