amérika soti pirézidént trampning qararini emeldin qaldurdi

türkiye awazi radiyosi xewiri: amérika xelqara soda mehkimisi türkiyedin import qilinghan polat mehsulatlirigha qoyulghan tamozhna béji nisbitini ikki hesse köpeytish qararining, asasiy qanunning «barawer qoghdash kapaliti» ge xilap ikenlikini bildürdi.

bu dairide, pirézidént trampning 2018-yili awghustta türkiyedin import qilinghan polat mehsulatliridin élinidighan tamozhna béjini %25 tin %50 ke chiqirish qarari, asasiy qanungha xilap dep höküm qilindi.

pirézidént tramp 2018-yili martta dölet bixeterlikini qoghdashni seweb qilip, import qilinghan polat mehsulatlirigha %25 baj qoyushni qarar qilghan idi.

türkiye buninggha qarita, amérikagha söhbetlishish teklipini sunghan bolsimu ijabiy jawab alalmighan idi. arqidin mezkur qararning dunya soda teshkilatining belgilimilirige xilap ikenlikini eskertip, amérika üstidin dunya soda teshkilatigha erz qilghan idi.

pirézidént tramp 2018-yili 10-awghust türkiyedin import qilinghan polat we alyumin mehsulatliridin élinidighan bajni ikki hesse köpeytkenlikini élan qilip: «alyuminda bu nisbet %20, polatta %50 bolidu. bu mezgilde türkiye bilen bolghan munasiwetlirimiz yaxshi emes» dégen idi.

amérika 2018-yili 13-awghusttin bashlap türkiyede ishlepchiqirilghan polat mehsulatliridin élinidighan bajni ikki hesse köpeykendin kéyin, türkiyemu amérikada ishlepchiqirilghan bezi mehsulatlarning importida élinidighan baj nisbitini oxshash sewiyege chiqarghan idi.

amérika 2019-yili 21-may türkiyedin import qilinidighan polat mehsulatliridin élinidighan qoshumche baj nisbitini %50 din %25 ke chüshürgen idi.