mérkél: misli körülmigen iqtisadiy qiyinchiliqlargha duch kéliwatimiz

türkiye awazi radiyosi xewiri: angéla mérkél paytext bérlingha yéqin jaydiki mérsébérg sariyida firansiye pirézidénti émanuél makron bilen ötküzgen qoshma muxbirlarni kütüwélish yighinida, «bir terepte yuqumning özi, yene bir terepte u keltürüp chiqarghan on yillardin buyan hetta biz ilgiri peqet körüp baqmighan iqtisadiy qiyinchiliqlarni bashtin kechürüwatimiz. hem gérmaniye we firansiyede hem yawropa ittipaqida...» dédi.

gérmaniye bilen firansiyening iqtisadiy qiyinchiliqlarni birlikte yéngish meqsitide yawropa ittipaqi döletliri üchün qutquzush fondi tesis qilish teklipini otturigha qoyghanliqini xatirilitip ötken mérkél, «buning bilen <yawropa kélechikimizdur> déduq. hemmimiz perqliq döletlerdin kélimiz, biraq birlikte küchlük bolalaymiz. digitallishish (reqemlishish), muhit, urush we tinchliq dégendek qiyin mesililerde dunyada rol oyniyalaymiz» dégenlerni qeyt qildi.