erdoghan: iqtisadning chaqi toluq chörgüleshke bashlidi

türkiye awazi radiyosi xewiri: erdoghan jumhur reislik sariyida ötküzülgen, artwin yüsüféli dambisi 3 milyonlighan béton quyush, bayburt demirözü su qurulushi, rize merkez we güneysu nahiyeliri we tashlidere wadisining 5 – bölükini ishqa kirishtürüsh murasimida, yüsüféli dambisining tamamen türk inzhénérlar teripidin layihelengenlikini tekitlep mundaq dédi: «bu damda dölitimizning iqtisadiy tereqqiyatida muhim rol oynaydu. shuni alahide tekitlep ötimenki, <wuxen wirusi> gha qarshi küreshte, pilan boyiche normallishish musapisini saghlamliq mesilisini nezerdin saqit qiliwetmestin we dölitimizning aldinqi qatarda turidighan muhim xizmetlirini aqsatmastin tengpungluq asasida  tedrijiy halda tamamliduq. bu sayida, iqtisadimizning chaqiliri qaytidin toluq chörgüleshke bashlidi. maska taqash, taziliq belgilimilirige riaye qilish asasida kündilik hayatni tézlik bilen her sahede izigha chüshürüsh nishanigha yettuq. shu wejidin, 16 wilayette hepte axirliri ijra qiliniwatqan jiddiy halet buyruqini emeldin qaldurduq. türkiye sanaet, téxnologiye, yéza igilik, soda, xizmet qurulmisi saheliridin sirt yene, insaniy qarishi bilenmu qudretlik bir dölet ikenlikini yuqum basquchida pütkül jahangha namayen qildi, buningdin kéyinmu dawamliq shundaq qilidu.»

igilinishiche, qurulushi tamamlanghanda égizliki 275 métirgha yétidighan «yüsüféli dambisi», bu alahidiliki bilen, türkiye boyiche eng chong, dunya boyiche üchinchi damba bolidiken.