amérika bilen xitay birinchi basquchluq soda kélishimini imzalidi

amérika qoshma ishtatliri pirézidénti donald tramp bilen xitay bash ministir yardemchisi lyu xé, aqsarayda ötküzülgen murasimda amérika – xitay birinchi basquchluq soda kélishimige imza qoydi.

amérika bilen xitay birinchi basquchluq soda kélishimini imzalidi

türkiye awazi radiyosi xewiri: donald tramp aqsaraydiki taratqular ulap tarqatqan murasimdiki sözide, kélishimning burulush nuqtisi bolghanliqini éytti.

«bügün xitay bilen buningdin burun tashlanmighan nahayiti muhim bir qedemni tashlap, birinchi basquchluq soda kélishimini imzalawatimiz. bu buningdin burunqi herqandaq bir kélishimdin xélila büyük bir kélishim» dégen tramp, yéqin kelgüside xitaygha baridighanliqini éytti.

u, ikkinchi basquchluq kélishimge alaqidar xizmetlerni bashlighanliqlirini, biraq üchinchi basquch dep bir musapining bolmaydighanliqini tekitlidi.

xitay bash ministir yardemchisi lyu xému, kélishimning ehmiyitini tekitlep, ikki dölet arisidiki bu soda kélishimining yéngi bir burulushning ishariti ikenlikini we bu hemkarliqning dawamlishidighanliqigha ishinidighanliqlirini bildürdi.

lyu xé, xitay dölet reisi shi jinpingning trampqa yazghan bir parche mektupinimu ishtirakchilarning köz aldida oqup ötti.

amérika bilen xitay arisidiki soda urushi, amérika pirézidénti donald trampning 2018 – yili martta xitaydin import qilinidighan bezi mehsulatlargha qoyulidighan tamozhna béjini östürüshi bilen bashlighanidi.


خەتكۈچ: kélishim , soda , xitay , amérika

مۇناسىۋەتلىك خەۋەرلەر