dawos bashliqlar yighini kéler hepte bashlinidu

türkiye awazi radiyosi xewiri: dunya iqtisad munbirining 21 – 24 – yanwar künliri chaqirilidighan20 – nöwetlik yighin heqqide élan qilghan bayanatida eskertishiche, yighingha 117 dölettin 3 ming karxanichi, siyasetchi, akadémik we ammiwi teshkilatlarning wekilliri qatnishidiken. yighingha, türkiyege wekaliten tashqi ishlar ministiri mewlüt chawushoghlu, xezine we maliye ishliri ministiri berat albayraq, soda ishliri ministiri ruhsar pekjan we merkez bankisining bashliqi murat uysal qatarliqlar qatnishidiken.

«tinch yashashqa mas kélidighan bir dunya berpa qilish terepdarliri» témiliq yighinda, 400 din artuq ochuq we yépiq olturushlar ishqa ashurulidiken.

yighingha, amérika qoshma ishtatliri pirézidénti donald tramp, gérmaniye bash ministiri angéla mérkél, italiye bash ministiri giuséppé konté, yawropa ittipaqi komitétining bashliqi ursula won dér léyén, ispaniye bash ministiri pédro sanchéz, shiwéytsariye pirézidénti simonétta sommoruga, afghanistan pirézidénti eshref ghéni,  awistiriye bash ministiri sébastian kurz, kolombiye pirézidénti iwan dukué, finlandiye bash ministiri sanna marin, girétsiye bash ministiri kiryakos michotakis, gollandiye bash ministiri mark rutté, norwégiye bash ministiri érna solbérg, pakistan bash ministiri imran xan, ukraina pirézidénti wladimir zéléniski, birleshken döletler teshkilati bash katipi antonio gutérrés, xelqara pul fondi teshkilatining bashliqi kristalina géorgiéwa, yawropa merkez bankisining bashliqi kristin lagardé qatarliq 50 tin artuq döletning dölet bashliqliri, bash ministirliri, ministirlar we munasiwetlik organlarning wekilliri qatnishidken.