seudi erebistanda néfit bilen teminlesh xizmiti hujumdin burunqi sewiyege qaytti
seudi erebistan énérgiye ishliri weziri abduleziz bin selman dölette néfit bilen teminlesh xizmitining milliy néfit shirkiti aramkogha ait muesseselerge qilinghan hujumdin burunqi sewiyege qaytqanliqini jakarlidi.
türkiye awazi radiyosi xewiri: selman jiddede bergen bayanatida, aramko shirkitining mushu ay ichide néfit bilen teminleshke alaqidar mesuliyitini néfit bolghan teleplerni iskilatlardiki néfit bilen qandurush arqiliq ad aqilidighanliqini qeyt qildi.
dölitining kündilik néfit ishlepchiqirish miqdarining mushu ayning axirlirighiche 11 milyon warilghan, noyabirning axirlirida bolsa 12 milyon warilgha yétidighanliqini eskertken selman, hujumlarning aramko shirkitining kündilik néfit ishlepchiqirish miqdarining texminen % 50 tini 5.7 milyon warilliq ishlepchiqirish qismini toxtatqandin sirt yene, néfit bilen birlikte chiqidighan texminen 2 milyard kub métirliq tebiiy gaz ishlepchiqirishqimu tosalghu bolghanliqini éytti, hemde dölitining bu ayliq néfit ékisport qilishida héchqandaq özgirishning bolmaydighanliqini, iqtisadiy kirimning aldinqi aylargha qarighanda muqim bolidighanliqini tekitlidi.
aramko ijraiye heyitining bashliqi yasir errumeyyan bu heqte élan qilghan bayanatida, hujumlar sewebidin aramko shirkitining borsadiki paaliyetlirining kéchiktürülmeydighanliqini, pay cheklirining bazarning emeliy ehwaligha qarap kelgübsi 12 ay ichide del waqtida bazargha sélinidighanliqini eskertti.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.
