oréshkin: xitay - amérika soda urushining tesirini yéniklitishke tirishiwatimiz
rusiye iqtisadiy terqqiyat ishliri ministiri maksim oréshkin xitay - amérika soda urushi sewebidin otturigha chiqqan tesirlerni yéniklitish üchün xitay we ereb döletliri bilen ünümlük bir shekilde xizmet qiliwatqanliqini éytti.
türkiye awazi radiyosi xewiri: maksim oréshkin rusiyening gorno – altaysik shehiride muxbirlargha bergen bayanatida amérika – xitay otturisida qaytidin yalqunlashqa bashlighan soda urushlirining rusiye iqtisadigha körsetken tesiri üstide toxtaldi.
maksim oréshkin xitay - amérika soda urushining rusiye iqtisadighimu cheklighuch tesirlerni körsitidighanliqini bildürüp, «biraq hemme nerse bizning qolimizda. ichki tereqqiyatimizgha we tashqi bazarlardiki pursetlerge merkezlishishimiz lazim» dédi.
oréshkin dunya iqtisadidiki astilashning rusiye iqtisadigha körsitidighan tesirini yéniklitish üchün kéreklik xizmetlerni dawamlashturiwatqanliqini chüshendürüp, «dunya iqtisadidiki astilashqa qarimastin, rusiyening dunya baziridiki hessisini ashurush üchün xitay we ereb döletliri bilen ünümlük bir shekilde xizmetlerni qilmaqtimiz. bu arqiliq xitay - amérika soda urushining tesirini tengpunglashturmaqtimiz» dédi.
peyshenbe küni amérika pirzézidénti donald tramp xitaydin import qilinghan 300 milyard dollarliq mehsulatlargha %10 lik qoshumche tamuzhna béji qoyghanliqini élan qilghan idi.
xitay soda ministirliqi amérikining xitay mallirigha qoshumche tamuzhna béji qoyghanliqini jakalighandin kéyin, xitay shirketlirining amérika yéza igiliki mehsulatlirini sétiwélishini waqitliq tonglitildighanliqini élan qilghan idi.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.