amérika xitayni «péréwot aldamchisi» dep élan qildi

türkiye awazi radiyosi xewiri: amérika xezine ishliri ministirliqidin élan qilinghan bayanatta, ministir stéwén minuchinning «1988 Omnibus» soda we riqabet qanunining munasiwetlik maddilirini ima qilghan halda amérika pirézidénti donald tramptin alghan hoquqigha binaen xitayni «péréwot aldamchisi» dep bahalaydighanliqini jakarlighanliqi bildürüldi.

bayanatta, xitay hökümiti bazargha mudaxile qilish arqiliq yüenning qimmitini töwen tutush bilen eyiblendi. buninggha asasen ministir stéwén minuchinning xelqara pul fondi jemiyiti bilen alaqiliship, xitayning bu xil qilishmiliri tüpeylidin shekillengen adaletsiz riqabet muhitining yoqitilishi üchün qedem tashlaydighanliqi uqturuldi.

bayanatta yene, xitayning g 20 yighinida bergen iqtisadiy wedilirining eksiche qedemlerni tashlighanliqi we bu qedemlerning munasiwetlik ehdinamilerni ayaq- asti qilghanliqi tekitlendi.

amérika pirézidénti donald tramp bir qanche kün ilgiri xitaydin import qilinghan 300 milyard dollarliq mehsulatlargha %10 lik qoshumche tamozhna béji qoyghanliqini we 1 – séntebirdin étibaren resmiy ijra qilinidighanliqini jakarlighan idi.

xitay hökümitimu bu qedemge qarita oxshash derijide jawab qayturulidighanliqini bildürgen idi.