iran wénézuéladiki weziyetning néfit bahasigha tesir körsitidighanliqini bildürdi

türkiye awazi radiyosi xewiri: bizhen namdar zengene iran dölet téléwiziyeside, amérikaning irangha yürgüzüwatqan émbargosi heqqide bayanat élan qildi. u bayanatida, néfit bazirining özgirishchan yüzlinishte ikenlikini we amérikaning irangha bésimni kücheytishni telep qilghan ehwalda, bu weziyetning téximu chongqurlishidighanliqini eskertti.

u: «wénézuélada mesililer bar, rusiyege émbargo yürgüzülüwatidu, liwiye muqim emes we amérikadiki néfit ishlepchiqirish qoldin chiqip ketti. bulargha qarighan waqtimizda, ishlepchiqirish, éhtiyaj we telep nahayiti özgirishchan basquchlardin ötüwatidu. néfit bahasining künséri örlishi bazarda jiddiychilikning barliqini körsitip béridu. donald tramp irangha bésim qilish bilen amérikadiki bénzin bahasini töwen tutushtin birni tallishi kérek» dédi.

u néfit rayonlirining jenubiy sudanda bolushi seweblik sudandiki özgirishlerning néfit bazirigha tesir qilmaydighanliqini, wénézuéladiki jiddiychilikning dawamlishishining bolsa, amérikagha bolghan bésimni kücheytidighanliqini qeyt qildi.