dawos yighini bashlandi
dunyaning her qaysi jayliridiki siyaset hemde soda-sanaet dunyasidiki muhim kishilerni bir yerge jem qilidighan we dawos yighini dep atilidighan «dunya iqtisad munbiri», shiwéytsariyening dawos bazirida bashlandi.
türkiye awazi radiyosi xewiri: her yili dunyadiki nurghun rehberlerning ishtirak qilishi bilen ötküzülüwatqan dunya iqtisad munbirining bu (2019) yilqi 49-nöwetlik yighinigha, b d t xewpsizlik kéngishining besh daimiy ezasi bolghan amérika, engliye, firansiye, xitay we rusiye qatarliq döletlerning dölet bashliqliri yaki bash ministir sewiyeside ishtirak qilishi diqqet qozghidi.
igilinishiche, bu yilliq dawos yighinida, kilimat özgirishi, yemen we süriye kirizisi, ammiwizmning yuqiri kötürülüshi, köch mesilisi, kembeghellikke qarshi küresh, engliyening yawropa ittipaqidin chékinish musapisi, éshishi astilighan dunya iqtisadi we merkez bankaliridin kélidighan iqtisadiy turghunluq éhtimalliqigha qarshi körsitilgen inkas qatarliq mesililer muzakire qilinidiken.
amérika pirézidénti donald trampning hökümetning taqaqliq bolushi sewebidin yighingha qatnishalmaydighanliqi élan qilnghan idi. engliye bash weziri tirésa méyningmu yawropa ittipaqidin chékinish kirizisi sewebidin yighingha qatnishalmaydighanliqi bildürülgen idi.
yawropa taratquliri firansiye pirézidénti makronning yighingha qatnishalmaydighanliqigha, parizhda zunghiche dawamlashqan «sériq jilitkilikler namayishi» ni seweb qilip körsitilgenlikini xewer qildi.
yighingha ishtirak qilishi perez qilinghan siyasetchilerdin gérmaniye bash ministiri angéla mérkél, yaponiye bash weziri shinzu abi, bélgiye bash ministiri charlés mishél we biraziliye pirézidénti bolsonaro qatarliqlarning barliqi bildürüldi.
bu yil (2019) texminen 2 ming 500 kishining kütüwélinidighanliqi mölcherliniwatqan dawos yighinigha, türkiyege wakaliten xezine we maliye ministiri berat albayrak, soda ministiri ruhsar pekjan we türkiye merkiziy bankasining bashliqi murat chetinkayaning ishtirak qilidighanliqi bildürüldi.
