yemen türkiyening insanperwerlik yardemliridin intayin xursen

türkiye awazi radiyosi xewiri: yemenning resmiy xewer agéntliqi (saba) ning xewer qilishiche, hadrami, seudi erebistanning paytexti riyadta türkiyening sana bash elchisi lewent eler bilen körüshkende, ikki dölet munasiwetlirining tereqqiy qildurulushigha yuqiri baha bergen, hemde türkiye hökümitining yemen hökümitini qollishi, dölette «parris qoltuqi tinchliq pilani, 2014 – yilqi milliy diyalog konféransining netijiliri we birleshken döletler teshkilati xewpsizlik kéngishining qararliri» gha asasen tinchliq ornitilish yolida körsitiwatqan tirishchanliqliridin intayin xursen ikenliklirini ipadiligen. türkiyening sana bash elchisi lewent eler, türkiye hökümitining yemendiki siyasiy we insaniy özgirishlerni yéqindin közitiwatqanliqini eskertken.

igilinishiche, türkiye uzundin buyan dawamlishiwatqan toqunushlar sewebidin insaniy tiragédiye barghanséri yamanlishiwatqan we ul eslihe qurulushliri asasiy jehettin ziyangha uchrighan yemening köpligen wilayetliride, türkiye hemkarliq we maslashturush idarisi, türkiye qizilay jemiyiti we türkiye diniy ishlar fondi qatarliq teshkilatlarning wasitisi arqiliq insanperwerlik yardem mezmun qilinghan pilan – layihelerni ishqa ashurmaqta iken.