qazaqistan bilen özbékistan shengen tipidiki «yipek wiza» tüzümini yolgha qoyushqa teyyarlanmaqta
qazaqistan bilen özbékistan féwral éyidin tartip yawropa ortaq wézisi shengenge oxshap kétidighan shekilde «yipek wiza» tüzümini yolgha qoyushni bashlaydu.
türkiye awazi radiyosi xewiri: kazinform xewer agéntliqining xewirige qarighanda, özbékistan döletlik sayahet ishliri komitétining muawin bashliqi ulughbék qasimxodajayéw muxbirlargha bayanat bérip, shengenge oxshap kétidighan wizining ottura asiya tipi bolghan «yipek wiza» ni féwraldin bashlap yolgha qoyushni pilanlawatqanliqlirini bildürgen.
bu tüzümning meqsitining ottura asiyagha sayahetchi jelip qilish we rayonni aldinqi pilangha chiqirishtin ibaret ikenlikini bildürgen ulughbék, pilanning qazaqistan bilen özbékistan teripidin maqullanghanliqini, nöwette peqet téxnikiliq tepsilatlar we apparatlarni qurushning qalghanliqini qeyt qilghan.
u, bu ishqa qirghizistan we tajikistanningmu qiziqiwatqanliqini, qazaqistanning layihege ezerbeyjan bilen türkiyeni qoshushni pilanlawatqanliqini eskertken.
qazaqistan palatasi xelqara munasiwetler, mudapie we xewpsizlik ishliri komitéti bashliqi dariga nazarbayéwa, rayongha sayahetchi jelip qilish meqsetlik «yipek wiza» ni yolgha qoyushni iyun éyida özbékistangha teklip qilghanidi.
مۇناسىۋەتلىك خەۋەرلەر
türkiyening sanaet mehsulatlirini ishlepchiqirish körsetküchi ashti
türkiyening sanaet mehsulatlirini ishlepchiqirish körsetküchi yilliq nisbette % 4.3 ashti.
