iran: qatarning opéktin chékinish qararining sewebi tekshürülüshi kérek
iran néfit ishliri ministiri bijen namdar zengene, qatarning néfit éksport qilghuchi döletler teshkilati – «opék» tin chékinish qararining tekshürülüshi kéreklikini bildürdi.
türkiye awazi radiyosi xewiri: iran parlaménti xewer agéntliqining xewer qilishiche, iran néfit ishliri ministir zengene, ete awstriyening paytexti wiyénnada ötküzülidighan opék yuqiri derijilikler yighinidin ilgiri bayanat bergen؛ qatarning bezi chong néfit ishlepchiqarghuchi döletlerni arqa körünüsh qilghan éghir mesililerge duch kelgenlikini bildürgen zengene, doha dairilirining bu sewebtin opéktin chékinishni qarar qilghanliqini eskertkendin kéyin, «qatarning opéktin chékinish qararining sewebliri tekshürülüshi kérek» dégen.
iranning opékta turushluq wekili huseyin kazimpur erdebilimu tünügün bayanat bérip, seudi erebistan bilen rusiye bashlamchiliqidiki opék ortaq ministirlar közitish komitétining néfit ishlepchiqirish jehette chiqarghan bir tereplime qararlirining qatarni opéktin chékinishke mejburlighanliqini bildürgenidi.
wiyénnada ete chaqirilidighan opék bashliqlar yighinida néfit bazargha sélish miqdarini qisqartish toghrisidiki tekliplerning muzakire qilinishi kütülmekte.
qatar énérgiye ministiri seid sheride elqadi düshenbe küni muxbirlarni kütüwélish yighini ötküzüp, opék ezaliqidin chékinishni qarar qilghanliqlirini jakarlighanidi.
qatar 1961 – yilidin buyan bu teshkilatning ezasi idi.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.
