qatar oépktin chékinidighanliqini jakarlidi
qatar, 2019 – yili yanwarda néfit éksport qilghuchi döletler teshkilati – opéktin ayrilidighanliqini uqturdi.
türkiye awazi radiyosi xewiri: qatar énérgiye ministiri seid elkebi, qatarning buningdin kéyin bashqa döletlerge oxshash néfit élip – satidighanliqini, opék bilen munasiwetlik wedilirini 19 – yanwarghiche orundashni dawamlashturidighanliqini bildürdi.
dölitining opéktin ayrilishni qarar qilghanliqini élan qilghan qatar énérgiye ministiri elkebi, «opéktin yanwar éyidin bashlap chékinimiz. qararimizni opékqa bügün etigen melum qilduq. opékqa eza emes herqandaq bir döletke oxshash barliq wedilirimizde turushni dawamlashturimiz» dégenlerni qeyt qildi.
u, qatarning ayrilip chiqip kétishining opékning néfit ishlepchiqirish qararlirigha kichikkine tesir qilidighanliqini eskertti we sözini dawamlashturup, «57 yildin buyan ezasi bolup kelgen opéktin ayrilish asan ish emes» dédi.
qatarning bu bayanatidin kéyin 6 – noyabirda bir yighin chaqirilishi kütülmekte. bu bayanatlardin kéyin néfit bahaliri % örlep ketti. brént tipliq néfitning waril bahasi bügün etigen 62 dollardin sétildi.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.