yaponiye iran émbargosi mesiliside amérika bilen söhbet ötküzmekte
yaponiyening amérikaning irangha yürgüzgen émbargoliridin mustesna bolushta ching turuwatqanliqi bildürüldi.
türkiye awazi radiyosi xewiri: kyodo xewer agéntliqining xewirige asaslanghanda, yaponiye maliye ministiri taro aso amérika maliye ministiri stéwin mnuchin bilen hindonéziyening bali arilida ötküzülgenG-20 iqtisad ministirliri we merkiziy banka bashliqliri yighini jeryanida ayrim körüshti.
yaponiye maliye ministiri taro aso körüshüshte, amérikaning irangha qaritilghan émbargolardin téhran bilen munasiwiti bar yaponiye shirketlirining ziyangha uchrash mumkinliki heqqidiki endishelirini stéwin mnuchingha yetküzgenlikini bildürdi. u tokyoning endishelirini amérikaning chüshinishini ümid qilidighanliqlirini eskertti.
amérika hökümiti irandin néfit importini köp derijide azaytqan bezi döletlerni émbargodin mustesna tutidu.
yaponiye émbargolardin mustesna bolush üchün amérika dairiliri bilen izchil körüshüwatqan yaponiye, körüshüshlerdin netije chiqqiche irandin néfit import qilishni waqitliq toxtitidighanliqini élan qilghan idi.
amérika 5-noyabirdin bashlap ikkinchi qétimliq émbargo pilani boyiche, iran döletlik néfit shirkiti, iran néfit soda shirkiti we döletlik bak shirkitige ijra qilidu.
مۇناسىۋەتلىك خەۋەرلەر
