alibaba guruhi rus shirketliri bilen hemkarlishidu
alibaba guruhi bilen rusiyediki eng chong téxnologiyelik shirketler rusiyede shirket qurup chiqidu.
türkiye awazi radiyosi xewiri: xitaydiki éléktronluq soda shirkiti alibaba bilen rusiyediki nopuzluq téxnologiyelik shirketler hemkarliship éléktronluq soda shirkiti quridu.
alibaba guruhi bilen rus shirketliridin magafon, méyil ru we rusiye sélinma fondi qatarliqlar rusiye we musteqil döletler gewdisige eza döletlerde eng chong éléktronluq shirket qurup chiqidu.
rusiyening wiladiwostok shehiride ötküzülgen sherq iqtisadiy munbiride alibaba, mégafon, méyil ru we rusiye sélinma fondi shirketlirining mesulliri teripidin hemkarliq kélishimi imzalandi.
kélishim dairiside deslepki qedemde qurulidighan shirketke 2 milyard dollar meblegh sélinidighanliqi, aliékspérs (AliExpress) shirkitining bu hemkarliq shirkitige qoshulup kétidighanliqi bildürüldi.
kélishimde rusiyediki eng nopuzluq télégraf shirketliridin bolghan mégafon rusiye boyiche eng chong intérnét shirketliridin méyil ru shirkitidiki %10lik ülüshini, aliékspérs shirkiti bolsa rusiyediki %24lik ülüshini alibaba guruhigha ötküzüp béridu.
rusiyening éléktronluq soda saheside tüzülgen bu chong kélishimning 2019-yilning deslepki charikide ijra qilinishi pilanlanmaqta.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.
