néfit éksport qilghuchi döletlerning gheyri resmiy yighini échildi

türkiye awazi radiyosi xewiri: ereb döletliri néfit ministirliri musteqil ishlepchiqarghuchilar we néfit éksport qilghuchi döletler teshkilati otturisidiki hemkarliqni dawamlashturushqa mejbur ikenliklirini tekitlidi.

küweyt kuna agéntliqining xewirige asaslanghanda, néfit éksport qilghuchi döletler we bu teshkilatning sirtidiki döletler arisida néfit ishlepchiqirishni azaytish kélishimini nazaret qilish üchün qurulghan ministirlar komitéti gheyri resmiy yighin üchün küweytke toplanghan.

komitét yighindin kéyin élan qilghan bayanatida, bazarlardiki tengpungluqni qoghdashning mejburiyet ikenlikini bildürgen. ereb döletliri néfit ministirliri buning üchün néfit éksport qilghuchi döletler teshkilati we ittipaqdashliri arisidiki hemkarliqning dawamlishishi netijiside mumkin bolidighanliqini tekitligen.

komitét 21-iyun awstiriye paytexti wiyénnada resmiy toplinidu.

bu qétim küweyttiki resmiy bolmighan muzakire yighinigha, seudi erebistan, umman, aljiriye, küweyt we ereb birleshme xelipiliki qatarliq döletlerning néfit we énérgiye ministirliri qatnashti.

seudi erebistan mezkur ministirlar komitétining reis döliti, ereb birleshme xelipiliki bolsa néfit éksport qilghüchi döletler teshkilatining nöwetchi reis döliti.