«türkiye – wénézuéla otturisidiki soda omumiy sommisi 1 milyard dollardin ashidu»
iqtisad ishliri ministiri nihat zeybekchi türkiye bilen wénézuéla otturisidiki tashqi soda omumiy sommisining 150 milyon dollar etrapida ikenlikini, bu yil ichide 1 milyard dollardin ashidighanliqini éytti.
türkiye awazi radiyosi xewiri: zeybekchi wénézuélaning paytexti karakasta soda dunyasining wekillirige xitab qilghanda, türkiye – wénézuéla xelqlirining nahayiti köp pursetlerge ige ikenlikini, bu pursetlerdin ünümlük paydilinishning zörürlükini eskertti, bu meqsette ikki dölet otturisida hemrahliq, özara meblegh sélish we meblegh sélishni teshwiq qilish, qosh baj tüzümining aldini élish qatarliq köpligen sahelerdiki kélishimlerning jumhur reis rejep tayyip erdoghanning wénézuélagha qilidighan ziyaritide imzalinishining kütülüwatqanliqini tekitlidi.
wénézuéla iqtisa we maliye ministiri simon zérpa bolsa, ikki dölet bashliqliri otturisida dostane munasiwet ornitilghanliqtin, türkiye bilen wénézuélaning iqtisadiy sahelerde hemkarliq ornatqanliqini, buning izchil dawamlishidighanliqini tekitlep mundaq dédi: «türkiye bilen wénézuéla otturisidiki iqtisad – soda munasiwetlirining aldida tosalghularni pawaqlap tashlaymiz, shuning bilen, aldimizdiki mezgilde tashqi soda omumiy sommisini yenimu yüksek sewiyege yetküzimiz.»
