türkiye aqdéngiz bilen qara déngizda néfit we gaz quduqi kolaydu
türkiyening aqdéngiz bilen qara déngizda tebiiy gaz we néfit üchün quduq kolashni bashlaydighanliqi bildürüldi.
türkiye awazi radiyosi xewiri: türkiye énérgiye we tebiiy bayliqlar ministiri berat albayrak türkiye büyük millet mejlisi (parlaménti) omumiy kéngishide échilghan xamchot yighinida söz qildi.
énérgiye we tebiiy bayliqlar ministiri berat albayrak ikki paraxot bilen aqdéngiz we qara déngizda tebiiy gaz we néfit qédirish xizmetlirini inchiklik bilen qanat yayduruwatqanliqlirini bildürüp, yil axirida (2017) türkiyege élip kélinidighan burghilash paraxoti bilen aqdéngiz we qara déngizda burghilash ishlirini bashlaydighanliqlirini eskertti.
u yil axirida kan mehsulatliri éksportida rékort yaritilidighanliqini bildürdi.
u ambarda saqlash we suyuqlandurulghan tebiiy gaz saheside ikki yilda emelge ashurulghan ul-eslihe sélinmiliri toghrisida melumat berdi. u: «izmirde xizmetke kirishtürgen tunji tebiiy gazni suyuqlandurush zawutidin kéyin, hatayning dörtyoldiki tebiiy gaz suyuqlandurush zawutini mushu ay ichide ishqa kirishtürimiz» dédi.
