baku-tiblis-kars tömür yolida tunji qozghalghan poyiz karsqa keldi

türkiye awazi radiyosi xewiri: tarixiy yipek yolini güllendüridighan baku-tiblis-kars tömür yolida tunji qétim seper qilghan we qazaqistandin mersin portigha ashliq yetküzidighan poyiz karsqa yétip keldi.

ezerbeyjan pirézidénti ilham eliyéw, türkiye jumhur reisi rejep tayyip erdoghan, qazaqistan bash ministiri baqitjan sagintayéw, özbékstan bash ministri abdullah aripow we giruziye bash ministiri giorgi kwrikashwili 30-öktebir paytext bakugha texminen 90 kilométir kélidighan alat portida, «baku-tiblis-kars» tömür yolining échilish murasimini ötküzgen idi.

poyiz bilen karsqa kelgen türkiye jumhuriyiti dölet tömür yolliri tiransiport shirkitining bash mudiri weysi kurt, poyizning qazaqistandin yolgha chiqip, alat portidin ötüp karsqa yétip kelgenlikini bildürdi. u tömür yol layihesining hem türkiye hemde asiya we yawropadiki döletler üchün muhim karidor ikenlikini tekitlidi. u mundaq dédi:

«bu layihe hem dölitimizni hemde ottura asiya türk jumhuriyetliri bilen xitayni yawropagha tutashturidu. bu sewebtin , dölitimiz intayin muhim karidorgha aylandi.»

türkiye, giruziye we ezerbeyjanning ortaq layihesi ramkisida yasalghan tömür yolning 76 kilométirliq qismi türkiye, 259 kilométirliq qismi giruziye we 503 kilométirliq qismi ezerbeyjan zéminidin ötidu.