rusiye sowét ittipaqi mezgilidin qalghan pütkül tashqi qerzlirini tülep boldi
rusiye, sowét ittipaqi mezgilidin éship qalghan kona tashqi qerzlirini pütünley tölep bolghanliqini bildürdi.
türkiye awazi radiyosi xewiri: rusiye maliye ministirliqi bayanat élan qilip, döletning bosniye – gértségowinagha 125 milyon dollar qerzini tölesh arqiliq sowét ittipaqi mezgilidin qalghan pütkül kona qerzlirini tölep tögetkenlikini bildürdi.
rusiye, 1991 – yili sowét ittipaqining yimirilishidin kéyin, köp qismi balqan ellirige bolup jemiy 66 milyard dollarliq qerzning jawabkarliqini ötküzüwalghanidi.
néfit bahasining örlishige egiship iqtisadiy jehette özige kélishke bashlighan rusiye, amérika qoshma ishtatliri we engliyeni öz ichige alghan parizh kulubigha tewe 19 döletke, qerzining 60 milyard dollarliq qismini töligenidi.
rusiye kirodiye, sérbiye, qaradagh, silowéniye we makédoniyedin teshkil tapqan yugoslawiye jumhuriyitige bolghan qerzining hemmisini 2011 – 2016 – yilliri arisida tölep tögetkenidi.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.