«tirilish ertughrul» istanbul pay chéki bazirigha kélidu

türkiye awazi radiyosi xewiri: istanbul pay chéki baziri güllinishning eng yüksek sewiyesige yetküzidighan yéngi mehsulatlarni bazargha sélish üchün xizmet ishlimekte. istanbul pay chéki bazirining mesuli himmet qaradagh, «alahide mehsulatlarni bazargha sélishqa tirishiwatimiz, dangliq téléwiziye tiyatirliri we köwrüklernimu öz ichige alghan layihelerdin meblegh salghuchilarnimu behrimen qilidighan xizmet mixanizmini turghuzimiz» dédi.

qaradagh bu nuqtida t r t de qoyuluwatqan «tirilish ertughrul» nimu öz ichige alghan birqanche téléwiziye tiyatirini bazargha sélish üchün söhbet élip bériwatqanliqlirini eskertti.

istanbul pay chéki bazirida aptomobilmu satqanliqlirini tekitligen qaradagh, telep qilghanlarning türkiyede ishlepchiqirilghan aptomobilning kirim – chiqim ishlirigha shérik bolushni xalaydighanliqini qeyt qildi.