türkiyening qizil reqimi azaydi
türkiye jumhuriyiti merkiziy bankisi (TCMB) 2016-yili dékabir éyigha munasiwetlik sanliq reqemlerni élan qildi.
türkiye awazi radiyosi xewiri: türkiye merkiziy bankisining sanliq melumatlirigha asaslanghanda, dékabir éyidiki qizil reqem 2015-yilning oxshash mezgilidikige sélishturghanda 784 milyon dollar aziyip, 4 milyard 268 milyon dollar bolghan. buning bilen, 2016-yilning qizil reqimi 32 milyard 605 milyon dollargha töwenligen.
2016-yili dékabir éyida tashqi soda qizil reqimi 2015-yilning oxshash mezgilidikige sélishturghanda 834 milyon dollar aziyip, 4 milyard 213 milyon dollargha töwenligen. 2015-yili dékabir éyida 292 milyon dollarliq altun import qilinghan bolup, 2016-yili dékabir éyida import qilinghan altun sommisi1 milyard 264 milyon dollargha chiqqan.
anadolu agéntliqining qizil reqem toghrisida mutexessislerdin alghan texminiy melumatlirida körsitilishiche, mutexessisler 2016-yili dékabir ayliq qizil reqemni 4.3 milyard dollar dep perez qilghan.