kanadada musulman bir tijaretchi puli yoqlargha heqsiz tamaq bermekte
kanadaning montréal shehiride ashxanisi bar bir musulman tijaretchi puli yoqlargha heqsiz tamaq bermekte.
türkiye awazi radiyosi xewiri: sté kasrin strit wést we makéy kochilirining bir chétide ashxanisi bar bolghan yehya hashimi ashxanisining ishiki aldigha ingliz we firansuz tillirida ésip qoyghan wiwiska arqiliq puli yoqlargha heqsiz tamaq bérilidighanliqini uqturdi.
shuning bilen, u dölette ammiwi taratqularda birdinla qiziq nuqtigha aylandi.
bu xizmetning uda 5 aydin buyan dawamlishiwatqanliqini eskertken hashimi, heqsiz tamaq mulazimiti üchün qanchilik chiqim kétidighanliqini hésablap baqmighanliqini, achlarning qarnini toyghuzushning étiqadining teqezzasi ikenlikini tekitlidi.
heqsiz tamaq mulazimitining ishqa kirishtürülüshige ashxanigha tamaq yéyish üchün kelgen bezi xéridarliriningmu hesse qoshqanliqini eskertken hashimi, «bu yerge kélip, pulum yoq dégen héchqandaq bir kishige qandaq kiyim kiygen bolushidin qetiynezer tamaq bérimiz. puli yoqlar kim bolushidin qetiynezer bimalal halda bu yerge kélip tamiqini yep, kétidu» dédi.