rusiye besh mehsulatqa qoyghan cheklimini emeldin qalduridu
rusiye hökümitining türkiyedin import qilidighan besh mehsulatqa qarita yolgha qoyghan émbargoni emeldin qaldurushqa teyyarlanghanliqi bildürüldi.
türkiye awazi radiyosi xewiri: yémek-ichmek, yéza igiliki we charwichiliq ministiri faruq chelik sochida échilghan 2-nöwetlik danliq ziraetler munbiri yighinigha qatnashti we munasiwetlik rusiye rehberliri bilen körüshti. u uchrishishlardin kéyin bayanat élan qilip, émbargo emeldin qaldurulghan mehsulatlar toghrisida toxtaldi.
u: «bu mehsulatlar pidigen, much, anar, qapaq we bashqa köktatlar. heyetler ara ötküzülgen uchrishishlirimizda, rusiye terep bügün besh mehsulatqa munasiwetlik bir yerge jem bolidighanliqini we cheklimining emeldin qaldurulush éhtimalining yuqiri ikenlikini éytti» dédi.
u ikki dölet sodisida rusiye terepning türkiyedin gösh import qilishni telep qiliwatqanliqini eskertip, mundaq dédi:
«biz ulargha gösh mehsulatlirimizning yétishmeydighanliqini, 16 mehsulattin kéyin her bir mesile üstide söhbet ötküzeleydighanliqimizni éyttuq.»
مۇناسىۋەتلىك خەۋەرلەر
gollandiyening sayahet paraxoti alanyagha keldi
gollandiyening «ostérdam» namliq sayahet paraxoti antalya wilayitining alanya nahiyesige keldi.