seudi erebistanning eng chong shirkiti istanbulda 18 türk shirkiti bilen kélishim tüzdi

türkiye awazi radiyosi xewiri:  néfit bahasining chüshüp kétishi eng chong tesir körsetken döletlerdin biri bolghan seudi erebistan néfit béqindichiliqini azaytish istiratégiyesi dairiside Aramco shirkitining kichik bir qismini xususiylashturushni pilanlimaqta.

bu dairide, shirket istanbulda 18 türk shirkiti bilen kélishim tüzdi.

énérgiye we tebiiy bayliqlar ministiri berat albayraq seudi erebistan shirkiti bilen 18 türk shirkiti otturisida imzalanghan kélishimning ikki dölet otturisidiki hemkarliq munasiwetlirini kücheytishte muhim rol oynaydighanliqini tekitlep mundaq dédi: «bu kélishim sayisida diplomatik munasiwetlirimiz aldimizdiki basquchta yenimu yüksek sewiyege yétidu.»

seudi erebistan énérgiye ishliri weziri elfatih bu heqte toxtalghanda, kélishimning kélechektiki nurghunlighan sermaye layiheliri üchün qanuniy ramka shekillendüridighanliqini eskertip mundaq dédi: «seudi erebistanning 2030 – yilliq istiratégiyelik nishani dairiside türk shirketliri bilen birlikte heriket qilishni xalaymiz. dölitimiz belki yüzlerche milyard dollarliq meblegh sélishi mumkin. bügünki kélishimler aldimizdiki yillarda ishqa ashurulidighan pilan – layiheler üchün hazirliq basquchi hésablinidu. seudi erebistan bilen türkiye belki üchinchi döletlerdimu nahayiti chong pilan – layihelerni ishqa ashurushi mumkin.»

seudi erebistan shirkiti Aramco ning ijraiye heyitining bashliqi amin nasir türkiyege mebegh sélish üchün söhbet élip barghanliqlirini, türkiyediki néfit ayrish we tarqitish ishlirigha köngül bölidighanliqlirini qeyt qildi.