erdoghan bilen putinning uchrishishi némilerdin dérek béridu?

türkiye awazi radiyosi xewiri: türkiye bilen rusiye otturisida bashlighan normallishish musapisi dairiside jumhur reis rejep tayyip erdoghan bilen rusiye pirizédénti wiladimir putin 9-awghust seyshenbe küni saint pétérsburgda  körüshidu. bildürülüshiche,  ikki rehberning körüshüshi ikki dölet otturisidiki iqtisadiy munasiwetlerning qaytidin janlinishida muhim rol oynaydiken. 

rusiyege qilinghan éksportta muhim orunda turidighan sahelerning wekilliri ikki dölet munasiwetlirining normallishishi bilen, xirom we xirom mehsulatliri, méwe-chiwe we köktat, xémiyiwi maddilar we mehsulatlar, toqumuchiliq we xam madda mehsulatliri, kiyim-kichekler, aptomobil sanaiti, éléktir- éléktron we mulazimet saheliridiki éskportning téz sürette ashidighanliqini kütmekte.

türkiye-rusiye soda munbiri bashliqi tunjay özihan, erdoghan - putin körüshüshining ikki dölet munasiwetliri üchün nahayiti yaxshi muqeddime ikenlikini bildürüp mundaq dédi: «ötmüshni untup kélechekke yüzlineyli, ikki döletning birlikte nurghun sahede hemkarliq ornitalaydighanliqigha, birlikte iqtisadiy qimmet yaritalaydighanliqigha ishinimen. bu qétimqi uchrishish ikki dölet otturisida 100 milyard dollarliq soda nishanigha yétish üchün nurghun qararlar élinidighan muhim uchrishishtur.»