albayrak nur bekri bilen körüshti

türkiye awazi radiyosi xewiri: türkiye énérgiye we tebiiy bayliqlar ministiri berat albayrak tünügün (22 – mart) yadro énérgiyesi we yéngilinidighan énérgiye saheliride paaliyet qiliqwatqan shirketler bilen körüshüsh üchün xitaygha yétip bardi. u xitay döletlik énérgiye idarisining bashliqi nur bekri bilen körüshti.

u körüshüshte, wezipisini bashlighandin kéyinki tunji chet el ziyaritini xitaydin bashlighanliqini eskertip, türkiyening jughrapiyelik orni sewebidin énérgiye sahesi üchün muhim köwrüklük rol oynaydighanliqini bildürdi. u türkiye iqtisadining 2002 – yilidin buyan töt hesse tereqqiy qilghanliqini, éksportningmu töt hesse ashqanliqini qeyt qildi. u türkiye nishanining énérgiye bixeterliki we énérgiye menbelirini xilmu xil qilish ikenlikini bildürdi. u dölitimiz jumhur reisi rejep tayyip erdoghanning 2015 – yilidiki xitay ziyariti bilen téximu yéqinlashqan hemkarliqining, énérgiye saheside dölet yaki shirketler nuqtisidin bolsun hemkarliqlarni kücheytishke paydiliq bolushini ümid qilidighanliqini qeyt qildi.

türkiyening énérgiye istratégiyesi dairiside, kömür, yadro énérgiyesi we yéngilinidighan énrgiyege ehmiyet béridighanliqini tekitlep: «xitay bilen bolghan munasiwetlirimizge ehmiyet bérimiz, sélinma hemkarliqigha merkezlishimiz» dédi.

xitay döletlik énérgiye idarisining bashliqi nur bekri türkiye – xitay munasiwetlirining uzun tarixqa ige ikenlikini eskertti we ikki dölet rehberlirining 2015 – yili qilghan özara ziyaretliri sayiside muhim netijilerning qolgha keltürülgenlikini éytti.

ministir albayrak ete (24 – mart) wéyxey shehirini ziyaret qilghandin kéyin shangxeyge baridu we 25 – mart dölitimizge qaytidu. u muxbirlarning soallirigha jawab bérip: «türkiye téz sürette eng erzan we eng süpetlik énérgiyege érishish üchün yéngi modéllarni tereqqiy qildurushi lazim»dédi. u türkiyening kömür, shama we quyash énérgyesi qatarliq köp xil énérgiye bayliqlirining mol ikenlikini tekitlep, éléktir ishlepchiqirish miqdarining ashqanliqini éytti. u: «türkiyening téximu éléktir zawutlirigha éhtiyaji bar. éléktir énérgiye küchimizni 10 yil ichide 50 ming mégawatqa chiqirishimiz lazim. bu mezgil ichide 100 milyard dollarliq meblegh küntertipke kélidu» dédi.